Цэвэршилтын талаар мэдэх ёстой 10 зүйл

  1. Цэвэршилт гэж юу вэ?

Эмэгтэй хүн бүрт амьдралын тодорхой насанд цэвэршилт явагддаг бөгөөд цэвэршилт нь дунджаар 45-55 насанд тохиолддог. Цэвэршилт гэдэг нь жилийн турш сарын тэмдэг буюу биений юм үзэгдэхгүй байхыг хэлдэг.

Цэвэршилтийн үед эмэгтэйн биед янз бүрийн шинж тэмдгүүд илэрч болдог бөгөөд эдгээр шинж тэмдэг нь дааврын өөрлчлөлттэй холбоотой байдаг.

2. Яагаад цэвэршилт явагддаг бэ?

Эмэгтэй хүн амьдралынхаа туршид тодорхой тооны өндгөн эс боловсруулж нөхөн үржих хязгаартай байдаг. Дунджаар 400 гаруй өндгөн эс боловсруулах чадвартай гэж тооцдог бөгөөд, сард 1-2 өндгөн эс боловсрон гадагшилдаг гэж үзвэл нөхөн үржихүйн амьдралын 40 орчим жил байдаг. Эмэгтэйн биед өндгөн эсийн нөөц дуусахтай зэрэгцэн өндгөвчний үйл ажиллагаа бууран эм бэлгийн дааврууд (эстроген, прогестерон) нийлэгжил багасдаг.

3. Цэвэршилтийн үед ямар шинж тэмдгүүд илэрдэг бэ?

Цэвэршилтийн хамгийн түгээмэл шинж тэмдгүүд бол нүүр-цээжин бие халуу оргих, жин нэмэх болон үтрээ хуурайших багтдаг. Үүнээс гадна ясны сийрэгжилт, зүрх судасны өвчлөлийн шинж тэмдгүүд ч илэрч болдог. Эдгээр шинж тэмдгүүд илэрдэг шалтгаан нь эмэгтэйн биеийн янз бүрийн хэсгүүдэд эстроген дааврын хүлээн авуурууд байрладагтай болон хүний бие дэх дааврын нөлөө нь удаан хугацаанд тогтовортой, мэдрэмтгий байсанаа гэнэт буурч эхэлсэнтэй холбоотой байдаг.

4. Цэвэршилт хэдэн насанд тохиолддог бэ?

Цэвэршилт явагдах нас хүн бүрт харилцан адилгүй байдаг ч дунджаар 51 нас гэж үздэг. Эмэгтэй биед хэзээ цэвэршилт явагдах нь хэд хэдэн хүчин зүйл нөлөөлдгийн дотор удамшлын нөлөө ч багтдаг. Өөрөөр хэлбэл та өөрийн ээж эсвэл эгчтэй ойролцоо насанд цэвэрших, тэр бүү хэл цэвэршилтийн үеийн шинж тэмдгүүд ч адил байдалтай явагдах боломжтой.

5. Цэвэршилт болон цэвэршилтийн өмнөх хам шинж ямар ялгаатай бэ?

Цэвэршилтийг цэвэршилтийн өмнөх болон цэвэршилтийн үе гэж үечилж үзэж болдог. Цэвэршилтийн өмнөх үе нь эмэгтэйн бие махбод дааврын өөрчлөлтөд бэлтгэгдэж, түүний дагуу шинж тэмдгүүд илэрдэг. Цэвэршилтийн өмнөх үе нь цэвэршилтээс хэдэн жилийн өмнө эхэлдэг. Дунджаар 3-4 жил үргэлжилдэг боловч 7-8 жил үргэлжлэх хүртэл ч тохиолдлууд байдаг. Энэ үед эмэгтэйн биений юм тогтмол бус болж улмаар зогссоноор цэвэршилт явагдаж дуусдаг.

6. Цэвэршилтийн үеийн шинж тэмдэг, нүүр халуу оргих?

Ойролцоогоор эмэгтэйчүүдийн 75 орчин хувьд нүүр халуу оргих шинж тэмдэг илэрдэг. Онцлог нь зөвхөн нүүр цээжин бие халуу оргих бөгөөд энэ нь өдрийн аль ч цагт, өдөрт хэдэн ч удаа тохиолдож болдог. Энэ үед дараах зүйлсүүд шинж тэмдгийг сэдрээдэг. Үүнд халуун ногоотой хоол идэх, кафейн, архины хэрэглээ, тамхи татах, халуу өрөөнд байх, тохиромжгүй хувцаслалт, сөрөг стресс зэрэг ордог.

7. Цэвэршилт болон бусад өвчлөлүүд

Цэвэршилтийн үед ясны сийрэгжилт болон зарим зүрх судасны өвчлөлүүд тохиолддог. Цэвэршилтийн үед эстроген даавар буурах нь ясны кальцийг багасгаж сийрэгжилт үүсгэхэд хүргэдэг. Энэ үед витамин Д нэмэлтээр уух, шаардлагатай үед эмчийн заавраар даавар орлуулах эмийг хэрэглэж болно.

Зөвлөмж : Идеос  ( Кальци болон Д витамин) агуулдаг нэмэлт зажилдаг витамин

Үүнээс гадна, кальцаар баялаг хөр ногоон өнгийн навчит ногоо идэх, нэмэлт тэжээл бүхий даавар төст бэлдмэл хэрэглэхийг зөвлөдөг. Мөн биеийн жинг нэмэгдүүлэхгүй байлгах нь чухал ач холбогдолтой.

8. Цэвэршилтийн үеийн даавар орлуулах эмчилгээний тухайд?

Цэвэршилтийн шинж тэмдэг хөнгөнөөс хүнд зэрэг хүртэл илэрч болдог. Хүнд хэлбэртээ өдөр тутмын амьдралын үйл ажиллагаанд саад учруулж мөн бусад эмгэгүүдтэй хавсрах хүндрэх тохиолдол байдаг тул шаардлагатай үед эмчийн заавраар, хяналт дор даавар орлуулах эмчилгээг хийдэг. Даавар орлуулах эмчилгээ нь нийлэг болон байгалийн гаралтай дааврыг биед гаднаас оруулснаар өндгөвчнөөс ялгарахгүй байгаа дааврыг орлон шинж тэмдгийг бууруулдаг. Эм зүйн дэвшилтэт технологийн дүнд ургамлын гаралтай эстроген дааврыг ч мөн ашигладаг. Эдгээр нь даавар нь хүний эстроген даавартай төстэй бүтэцтэй, мөн мэдрэг байдал өндөр байдаг. Хамгийн анхаарууштай нь даавар орлуулах эмчилгээг хийж болохгүй эрүүл мэндийн нөхцлүүд байдаг тул эмчтэйгээ заавал зөвлөх үзлэг хийлгэх хэрэгтэйг битгий мартаарай.

Цэвэршилтийг асуудлыг шийдэх тохиромжтой аюулгүй арга байдаг нь даавар бус бэлдмэл юм. Ихэнх эмэгтэйчүүд дааврын бэлдмэлийг шууд хэрэглэдэг. Энэ нь маш олон эмэгтэйчүүдийн хавдар үүсгэх эрсдэлтэй байдгийг олон судалгаагаар харуулсан байдаг.

Зөвлөмж:
Шар буурцагт эмэгтэй даавар төст бодис буюу “ИЗОФЛАВОН” агуулагддаг Иноклим хэмээх бүтээгдэхүүнийг шар буурцагнаас гаргаж авдаг бөгөөд 100% Франц улсад үйлдвэрлэгдсэн бүтээгдэхүүн . Даавар бус бэлдмэл байгалийн гаралтай дааврын бүтэцтэй адил биологийн идэвхт бүтээгдэхүүн байдаг учир хамгийн аюулгүй хувилбар болж чаддаг байна.

9. Цэвэршилтийн үеийн үтрээний хуурайшил

Цэвэршилтийн үед мөн л эстроген даавар багассантай холбоотой эмэгтэйн үтрээ хуурайшдаг. Гэхдээ ихэнх эмэгтэйчүүд энэ тухай төдийлөн ярилцахгүй байх нь олон. Үтрээний хуурайшилийн үед үтрээгээр даавар төст бэлдмэл хэрэглэх, улаан гэрлээр шарах зэрэг үр дүнтэй хэд хэдэн аргууд байдаг. Үүнээс гадна бэлгийн идэвхитэй харилцаагаа бууруулахгүй байх нь ч чухал нөлөөтэй.

Зөвлөмж: Иноклим нь цэвэршилтийн шинж тэмгүүдийг даван туулхад тусална.

10. Цэвэршилт явагдаж байх хугацаанд жирэмслэх боломжтой юу?

Цэвэршилтийн өмнөх үед буюу цэвэршилт явагдаж байх хугацаанд мэдээж жирэмслэх бололцоотой. Учир нь таны өндгөн эс огт боловсрохоо болиогүй буюу цөөн удаа ч боловсрон гадагшилж байдаг. Маш олон эмэгтэйчүүд цэвэршилтийн үед жирэмслэхгүй гэж боддог ч үнэндээ олон эмэгтэйчүүд 40 насны сүүлээр төрөх тохиолдлууд байдаг.

Төгсгөлд нь цэвэршилтийн өмнөх, цэвэршилтийн болон цэвэршилтийн дараах үеүүдэд эмэгтэй сэтгэцийн эрүүл мэнддээ үргэлж анхаарал хандуулж байх хэрэгтэй. Цэвэршилтийн үед зан төлөв, сэтгэц тогтворгүй болон амархан гомдох, уурлах, баярлах зэрэг өөрчлөлтүүд илэрдэг. Эдгээр тохиолдлуудад дасгал хөдөлгөөн, идэвхитэй амьдралын хэв маяг, илүүдэл жингүй байх, болон бусад шинж тэмдгээ бууруулан сэдрээхгүй байх нь сэтгэцийн эрүүл мэндэд маш чухал нөлөөтэйг битгий мартаарай.

5 thoughts on “Цэвэршилтын талаар мэдэх ёстой 10 зүйл

  1. Д. Чимгээ says:

    UHOKLNM нь шинж тэмдэгийг сайн дардаг ч үнэ нь хэтэрхий өндөр байдаг тул нийт эмэгтэйчүүд авах боломжгүй байдаг .Иймээс үнэ нь дээр судалгаа хийж бууруулах боломжийг судалж үзэх хэрэгтэй гэсэн санал байна.

  2. энхжаргал says:

    сайн байна уу би 50 настай цэвэршилт явагдаж эхлэж байгаа юм уу нүүр халуун оргиод хамаг биений хөлс цутгаад байх боллоо
    өдөрт энэ үзэгдэл нь маш олон явагдаж байна. би тэгэхээр яах ёстой билээ заавал эмчид үзүүлж байж эм хэрэглэх хэрэгтэй юу

    • Erdenetuya says:

      Сайн байна уу? Цэвэршилтийн шинж тэмдгүүд ерөнхийдөө мөн гэж хэлэх байна. Та эмчид үзүүлэх нь танд хамгийн зөв сонголт байх болно шүү. Мөн та цэвэршилтийн үеээ даван туулахдаа зөв даван туулах нь ирээдүйд үүсэх олон эрсдэлээс сэргийлж байдаг Жнь: Яс сийрэгжилт, эмэгтэйчүүдийн хавдар зэрэг олон эрсдэлээс сэргийлнэ. Иноклим нь даавар орлуулах эмчилгээ учир олон сарын турш ууж хэрэглэсэн ч ямар нэгэн гаж нөлөөг үзүүлдэггүй. Та бусад дэлгэрэнгүй мэдээлэл авахыг хүсвэл манай эмчтэй холбогдож болно шүү 88102282

  3. Оюунцэцэг says:

    өндөр үнэтэй учраас хүссэн хэмжээгээрээ уух боломжгүй тул климакан уудаг сайн ч таардаг
    бас үтрээний хуурайшилтаас сэргийлэх ямар лаа түрхлэг байдаг вэ зөвлөөч

    • Erdenetuya says:

      Сайн байна уу? Иноклим давхар үтрээ хуурайшилтийн шинж тэмдэгт нөлөөлдөг шүү. Мөн та нэмэлтээр үтрээ чийгшүүэгч лубрикант хэрэглэж болдог шүү

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн

This site uses Akismet to reduce spam. Learn how your comment data is processed.