Гельминтокс 125 мг

найрлага

Шахмал бүрт:

• Пирантел эмбонат . . . 360,5 мг
• Пирантелийн шүлт . . . 125,0 мг

хэрэглэх заавар

Ууж хэрэглэнэ. Гельминтоксийг өдрийн аль ч үед хэрэглэж болох ба урьдчилан туулгах бэлдмэл уух болон заавал өлөн байх шаардлагагүй.

Энтеробиоз болон аскаридын халдварын үед: Заасан тунгаар нэг удаа ууна. Ердийн тун – тунг 1 кг жинд нь 12,5 мг байхаар тооцож 1 удаа ууна. Дахин халдвар авахаас урьдчилан сэргийлэхийн тулд 3 долоо хоногийн дараа бэлдмэлийг дахин уух хэрэгтэй.

Анкилостомозын халдварын үед: Necator americanus-ын эндемийн бусад эсвэл Ankylostoma duodenale-ын хүнд хэлбэрийн халдварын үед 2-3 өдрийн турш хоногт нийт 25мг/кг тунгаар (1-2 удаа) хэрэглэнэ. Үүнд: – хүүхдэд өдөр бүр 10 кг жин тутамд 250 мг;

Ankylostoma duodenale-ын эндемийн биш бусад (хөнгөн хэлбэр) нэг удаа 12,5 мг/кг тунгаар ууна.

АНХААРУУЛГА

Гельминтоксийг хэрэглэхэд тусгай бэлтгэл, хоол хүнс хэрэглэх шаардлагагүй. Элэгний өвчтэй бол эмчдээ заавал хэлж анхааруулна. Гельминтоксийг хэрэглэхээс өмнө бусад шимэгч хорхойн эсрэг эмүүдийн адил өрөөг сайтар цэвэрлэж, хүүхдийн тоглоомыг угааж, унтахын өмнө болон дараа шүршүүрт орж, дотуур хувцасаа солих хэрэгтэй. Эмчилгээний турш ор хөнжлийн даавууг сайтар индүүдэн хэрэглэх нь зүйтэй. Дахин халдвар авахаас сэргийлэн ариун цэврийн дэглэм чанд баримтална. Гараа тогтмол угаах, хумсаа авах, хумс завсарын хирийг цэвэрлэх, хошного орчим маажихгүй байх, дотуур хувцас болон ор хөнжлийн даавууг өдөр бүр сольж байх. Гэр бүлийн гишүүдийг нэгэн зэрэг нь эмчилнэ. Халдвар авсан үед ихэвчлэн ямар нэгэн шинж тэмдэг илрэхгүй байж болно. Эмчилгээ дууссаны дараа өтгөнд шимэгч хорхойн өндөг байгаа эсэхийг хянах шинжилгээ хийнэ.

Хадгалах нөхцөл: Хуурай, харанхуй газар 25ºС-аас ихгүй нөхцөлд, ХҮҮХЭД ХҮРЭХГҮЙ ГАЗАР ХАДГАЛНА.

Хадгалах хугацаа: 3 жил. Хугацаа дууссан бол хэрэглэхийг хориглоно.